لعل شہباز قلندرؒ کے عرس کے موقع پرلو لگنےسے 13 افراد جاں بحق

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے صوبہ سندھ کے ممتاز صوفی بزرگ حضرت لعل شہباز قلندرکے عرس کے دوسرے روز بھی گرمی کے باعث مزید3 افراد جاں بحق ہوگئے، جس کے بعد ہلاکتوں کی تعداد 13ہوگئی ہے۔ سیہون میں حضرت لعل شہاز قلندرکے 763 ویں عرس کی تقریبات آج دوسرے دن بھی جاری ہیں اور ملک بھر سے زائرین کی آمد کا سلسلہ جاری ہے ۔ عرس کے موقع پر آج مزید 3 افراد گرمی کےباعث جاں بحق ہوگئے ، جس کے بعد جاں بحق ہونے والوں کی تعداد 13ہوگئی ۔ گزشتہ روزگرمی کے باعث 10 افراد جاں بحق ہوگئےتھے ۔